سید علی گیلانی کو نشانِ پاکستان ایوارڈ دیا گیا

مقبوضہ کشمیر میں کشمیریوں کی حق خودارادیت کی جاری جدوجہد میں بزرگ حریت رہنما سید علی گیلانی کی قربانیوں اور خدمات کا اعتراف کرتے ہوئے پاکستان کے یوم آزادی پر حریت رہنما سید علی گیلانی کو پاکستان کے سب سے بڑے سول ایوارڈ نشانِ پاکستان سے نوازا گیا۔

اسلام آباد ایوانِ صدر میں منعقدہ سول ایوارڈز کی تقریب میں صدر مملکت عارف علوی نے سید علی گیلانی کی کاوشوں کو خراج عقیدت پیش کرنے کے لیے انہیں سول ایوارڈ نشانِ پاکستان پیش کیا۔

سول ایوارڈ سید علی گیلانی کی جانب سے آزاد کشمیر کے کُل جماعتی حریت کانفرنس کے رہنماؤں نے وصول کیا۔