• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں بارش کی وجہ سے تباہی کی صورتحال ہے، وزیراعلیٰ سندھ

تازہ ترین
قومی خبریں
27 اگست ، 2020
کراچی میں بارش کی وجہ سےتباہی کی صورتحال ہے، وزیراعلیٰ سندھ

وزیراعلیٰ سندھ سید مراد علی شاہ کا کہنا ہے کہ کراچی میں بارش کی وجہ سے تباہی کی صورتحال ہے۔

سید مراد علی شاہ نے کراچی میں جاری موسلادھار باش سے متعلق بیان دیتے ہوئے کہا ہے کہ اللّٰہ پاک رحم فرمائے، کراچی میں شدید برسات کے سبب ڈزاسٹر کی صورتحال ہوگئی ہے، کچے مکانات میں رہنے والے لوگوں کی پریشانی ہے۔

وزیراعلیٰ سندھ سید مراد علی شاہ کی جانب سے کمشنر کراچی کو ہدیات جاری کرتے ہوئے کہا گیا ہے کہ ڈپٹی کمشنرز اپنے عملے کے ذریعے شہریوں کا خیال رکھیں، ملیر اور سکھن میں رہنے والے لوگ پھنس گئے ہیں، ملیر کے علاقے میں اسکول کی عمارات خالی کرائی جائیں اور ان لوگوں کا انخلاء فوری شروع کیا جائے۔

کراچی میں شدید بارش، سڑکیں تالاب بن گئیں

محکمۂ موسمیات کے اندازے اور پیشگوئیاں غلط ثابت ہو گئیں، کراچی کےمختلف علاقوں میں آج صبح سے شدید موسلا دھار بارش جاری ہے، جس کی وجہ سے کئی اہم سڑکوں پر پھر پانی جمع ہو گیا، شہریوں کی گاڑیاں بند ہو گئیں۔

وزیراعلی سندھ نے ہدایت کی ہے کہ پی ڈی ایم اے متاثرہ لوگوں کی بحالی کا کام کرے، متاثرہ لوگوں کو اسکولوں میں رکھا جائے، پی ڈی ایم اے سکولوں میں متاثرہ لوگوں کو کھانا، پینا اور تمام ضروری اشیاء مہیا کریں۔

انہوں نے لوگوں کی مدد کے لیے ڈی ایم سیز، ڈی سیز، پی ڈی ایم اے کو الرٹ رہنے کی بھی ہدایت کی ہے۔

تازہ ترین