فرمان الہی
نماز کے اوقات
وزیراعظم عمران خان کے مشیر برائے تجارت عبد الرزاق داؤد کا کہنا ہے کہ بارشیں اور سیلاب کے باعث گزشتہ ماہ برآمدات میں 19 اعشاریہ 5 فیصد کمی ہوئی ہے۔
سوشل مڈیا سائٹ ٹوئٹر پر بارشیں اور سیلاب کے باعث برآمدات میں کمی پر عبد الرزاق داؤد نے جاری اپنے بیان میں کہا کہ غیر متوقع مون سون بارشوں کے باعث برآمدات کی ترسیل متاثر ہوئی ہے۔
انہوں نے کہا کہ بارشوں کے باعث گزشتہ سال اگست کے مقابلے میں رواں سال اگست میں برآمدات کم ہوئیں، رواں سال اگست میں گزشتہ سال کے مقابلے میں برآمدات 19 اعشاریہ پانچ فیصد کم ہوئیں۔
مشیر تجارت نے کہا کہ طوفانی بارشوں اور سیلاب کے باوجود برآمدات حوصلہ افزا ہیں، برآمدات میں کمی کے باوجود ہمارا ٹریڈ بیلنس بہتر رہا۔
انہوں نے کہا کہ ہمیں میڈ ان پاکستان پالیسی اور برآمدات کے فروغ کیلئے کام کرنا ہوگا۔
مشیر تجارتعبد الرزاق داؤد نے یہ بھی کہا کہ وہ آئندہ ماہ برآمدات میں اضافے کے لیے پُرامید ہیں۔
