لاہور: نومولود بچی بازیاب، اغوا کار میاں بیوی گرفتار

لاہور میں بھاٹی گیٹ انویسٹی گیشن پولیس نے نومولود مغوی بچی کو بازیاب کرکے دو ملزمان ایک عورت اور اس کے شوہر کو گرفتار کر لیا۔

پولیس ترجمان کے مطابق ملزم طیب علی اور اس کی بیوی ارینہ نے چند دن پہلے اپنی ہمسائی خاتون کی 6 دن کی نومولود بچی کو گھر میں گھس کر اغواء کیا اور شیخوپورہ جا کر رہائشی پذیر ہو گئے۔

پولیس نے جدید ٹیکنالوجی کی مدد سے ملزمان کو ٹریس کیا اور بچی کو بحفاظت بازیاب کر کے میاں بیوی کو گرفتارکر لیا۔ 

ملزمان میاں بیوی نے اعتراف کیا کہ وہ بے اولاد تھے، اس لئے بچی کو اغواء کیا، پولیس نے بچی ورثاء کے حوالے کر دی۔