آپ آف لائن ہیں
جمعہ12؍ربیع الاوّل 1442ھ 30؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

خواجہ اعجاز احمد بٹ بحیثیت افسانہ نگار

ترتیب و تدوین: ذوالفقار احسن

صفحات: 124

قیمت: 300 روپے

ناشر: مکتبہ اسالیب، سرگودھا/ لاہور۔

خواجہ اعجاز احمد بٹ افسانوی دُنیا میں اپنی شاخت رکھتے ہیں۔اُن کی ایک اور قابلِ احترام پہچان ایک ایسے استاد کی ہے جس نے برس ہا برس طلبہ کو انگریزی زبان کی تعلیم دی۔ خود اپنے زمانہِ طالبِ علمی میں اُنہوں نے امتیازی حیثیتوں سے کام یابی حاصل کی۔ ساٹھ کے عشرے سے اُن کے افسانے برِّصغیر کے معتبر پرچوں کی زینت بن رہے ہیں۔ نام وَر ناقدین اُن کی افسانہ نگاری پر پسندیدگی کا اظہار کر چُکے ہیں۔ 

ذوالفقار احسن نے، جو خود بھی ادبی دُنیا کے لیے ایک شناسا نام ہیں،’’خواجہ اعجاز احمد بٹ:بحیثیت افسانہ نگار‘‘کے عنوان سے اس کتاب کو مرتّب کر کے افسانوں کی دُنیا کے ایک اہم نام کے بارے میں شایع ہونے چند مضامین کو نہ صرف یک جا کر دیا ہے، بلکہ افسانہ نگار کے چند خُوب صُورت افسانے بھی اس کتاب میں شامل کر کے اُس کی قدر و قیمت بڑھا دی ہے۔