• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹرمپ کا بحرین اسرائیل امن معاہدے کا اعلان، 15ستمبر کو دستخط ہونگے

تازہ ترین
بین الاقوامی خبریں
11 ستمبر ، 2020
بحرین اور اسرائیل امن معاہدے کا اعلان کردیا، امریکی صدر

امریکی صدر ڈونلڈ ٹرمپ نے بحرین اور اسرائیل کے درمیان امن معاہدے کا اعلان کردیا۔

غیر ملکی خبر ایجنسی کے مطابق امریکی صدر نے اسرائیل بحرین معاہدے کو تاریخی پیش رفت قراردے دیا۔

صدر ٹرمپ نے کہا کہ بحرین گزشتہ 30 روز میں اسرائیل کے ساتھ امن معاہدہ کرنے والا دوسراملک ہے۔

اس سے قبل امریکی صدر نے اپنے ٹوئٹ میں کہا کہ آج ایک اور تاریخی پیش رفت ہوئی ہے اور ہمارے دو عظیم دوستوں اسرائیل اور بحرین نے امن معاہدہ پر اتفاق کیا ہے۔

امارات-اسرائیل معاہدے کے بعد ٹرمپ پھر نوبیل انعام کیلئے نامزد

کرسچن ٹیبرنگ یدا عراق سے امریکی فوجوں کو نکالنے پر رواں برس بھی ڈونلڈ ٹرمپ کو نوبیل امن انعام کے لیے نامزد کر چکے ہیں۔

دریں اثناء تینوں ملکوں (امریکا، اسرائیل اور بحرین) کا جو مشترکہ اعلامیہ جاری کیا گیا ہے، اس کے مطابق بحرین کے شاہ نے امریکی صدر ٹرمپ کا دعوت نامہ قبول کرلیا ہے جہاں وہ اسرائیلی وزیراعظم نتن یاہو اور متحدہ عرب امارات کے ساتھ 15ستمبر کو وائٹ ہائوس میں ہونے والے تاریخی تقریب میں شرکت کرینگے۔

اس موقع پر اسرائیلی وزیراعظم بن یامین نتن یاہو اور بحرینی وزیرخارجہ عبداللطیف الزیانی امن معاہدے پر دستخط کرینگے۔

تازہ ترین