آپ آف لائن ہیں
جمعہ8؍ جمادی الثانی 1442ھ 22؍ جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شہباز گل کو ن لیگ کے سینیٹر پرویز رشید کا جواب

شہباز گل کو مسلم لیگ ن کے سینیٹر پرویز رشید نے جواب دیتے ہوئے کہا ہے کہ ملزم کی شناخت تو فارنزک لیب کا نظام قائم ہونے کی وجہ سے ہوئی۔

انہوں نے کہا کہ ملزم کے ٹھکانے تک تو آپ کو شہباز شریف نے پہنچا دیا، جبکہ آپ کی اہلیت یہ ہے کہ ملزم آپ کی آنکھوں میں دھول جھونک کر فرار ہو گیا۔

واضح رہے وزیراعظم عمران خان کے معاون خصوصی شہباز گل نے مسلم لیگ ن کے رہنماؤں کو تنقید کا نشانہ بنایا تھا، شہباز گل کے ن لیگ کے رہنماؤں پر وار کرتے ہوئے کہا تھا کہ ن لیگ کے ارسطو اعظم کہتے ہیں کہ پنجاب فارنزک لیب ن لیگ کا پروجیکٹ تھا۔ ان صاحب کی اطلاع کے لیے عرض ہے کہ فارنزک لیب پرویز الٰہی کے دور کا پروجپکٹ تھا۔

مسلم لیگ ن لائرز ونگ کے کنونشن سے خطاب کرتے ہوئے شہباز شریف نے کہا تھا کہ فارنزک لیبارٹری میاں نوازشریف کی قیادت میں ہمارے دور میں بنائی گئی۔مسلم لیگ (ن) کی ترجمان مریم اورنگزیب نے بھی نے سانحے موٹر وے کے مجرم کا فارنزک لیب میں ڈی این اےمیچ ہونے پر کہا تھا کہ تھینک یو نواز شریف، تھینک یو شہباز شریف آپ کی محنت رنگ لائی اور قوم کی بیٹی کے مجرم پکڑے گئے ۔

قومی خبریں سے مزید