آپ آف لائن ہیں
پیر 8؍ ربیع الاوّل1442ھ 26؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کمسن بچے سمیت تین لڑکوں کیساتھ زیادتی کے مقدمات درج

ملتان، بہاول پور (نمائندہ جنگ) پولیس نے ملتان میں مختلف واقعات میں دو بچوں کے ساتھ بدفعلی کرنے کے الزام میں تین افراد کے خلاف مقدمات درج کر لئے ہیں، خیر پور ٹامیوالی کے موضع اسرانی میں 10 سالہ بچے سے مبینہ زیادتی کا مقدمہ بھی درج، ملزم کو گرفتار کر لیا گیا۔ تفصیل کے مطابق گلگشت پولیس کو عدنان نے بتایا کہ میرا 5 سالہ بیٹا کھیلنے کے لئے کوارٹر کی اوپری منزل پر گیا، جہاں ملزم لطیف رہائش پزیر تھا، ملزم نے میرے بیٹے کے ساتھ بدفعلی کی، جبکہ بدھلہ سنت پولیس کو نور احمد نے بتایا کہ 15 سالہ میرا چھوٹا بھائی عشا کی نماز ادا کر کے پل کے قریب موجود تھا کہ ملزم گلفام اور عبدالالسلام آ گئے ملزم میرے بھائی کو کھیتوں تک چھوڑنے کے لئے چلا گیا جہاں ملزمان نے میرے بھائی کو زبردستی پکڑ کر اسلحہ کے زور پر دونوں نے بدفعلی کی، پولیس نے ملزمان کے خلاف مقدمات درج کر کے کارروائی شروع کر دی، بہاول پور سے رپورٹر نے بتایا کہ ارشاد مائی کا دس سالہ بیٹا گھر سے باہر کھیل کود کے لیے گیا ہوا تھا۔ کھیت میں ملزم محمد شان عرف شانی دایا نے بچے کے ساتھ بدفعلی کی کوشش کی۔ پولیس نے قانونی کارروائی عمل میں لاتے ہوئے مقدمہ درج کر لیا۔ ڈسٹرکٹ پولیس آفیسر محمد صہیب اشرف نے وقوعہ کا فوری نوٹس لیتے ہوئے پولیس تھانہ خیر پور ٹامیوالی کو ملزم کی فوری

گرفتاری کا حکم دیا۔ ڈی پی او کی ہدایت پر تھانہ خیر پور ٹامیوالی پولیس نے مختلف مقامات پر ریڈ کر کے چند گھنٹوں میں ملزم شان عرف شانی کو گرفتار کر کے بند حوالات تھانہ کر دیا اور تفتیش شروع کر دی۔

اہم خبریں سے مزید