آپ آف لائن ہیں
ہفتہ6؍ربیع الاوّل 1442ھ 24؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ہمایوں سعید اور علی ظفر عاصم باجوہ کے شکرگزار کیوں؟

گلوکار علی ظفر اور اداکار ہمایوں سعید نے چیئرمین سی پیک اتھارٹی اور معاون خصوصی برائے اطلاعات ونشریات لیفٹیننٹ جنرل (ر)  عاصم سلیم باجوہ کا فلم انڈسٹری کی بحالی کیلئے ضروری اقدامات کی اصولی منظوری پر شکریہ ادا کیا ہے۔

انہوں نے لکھا کہ فلم انڈسٹری کے مسائل کے حل کے لیے اٹھائے گئے اقدامات کے شکرگزار ہیں۔

سوشل میڈیا سائٹ ٹوئٹر پر عاصم سلیم باجوہ نے وزیراعظم کی زیر صدارت فلم انڈسٹری کی بحالی سے متعلق اجلاس کی تفصیلات بتاتے ہوئے لکھا کہ ’فلم انڈسٹری کی بحالی کے لیے ضروری اقدامات کی اصولی منظوری دے دی گئی۔‘

انہوں نے بتایا کہ ملکی کلچر اور سماجی اقدار کے فروغ سمیت پروڈکشن کا معیار بہتر بنایا جائے گا، متعلقہ وزارتوں کو ضروری اقدامات کی ہدایات کردی گئیں ہیں۔‘

عاصم سلیم باجوہ نے یہ بھی لکھا کہ ’پاکستان ترقی کی راہ پر گامزن ہے۔‘

ہمایوں سعید نے ان کے ٹوئٹ پر ردعمل دیتے ہوئے عمران خان اور ٹیم کے اس اقدام کو خوش آئند قرار دیا اور لکھا کہ وہ پُرامید ہیں کہ ان اقدامات پر جلد عمل بھی کیا جائے گا۔

انہوں نے عاصم باجوہ کو ٹیگ کرتے ہوئے لکھا کہ ’اس مقصد کے حصول کیلئے آپ کی مسلسل کاوشوں کا شکریہ، پاکستان فلم انڈسٹری نے اس لمحے کے لیے طویل انتظار کیا ہے۔ ‘

ہمایوں سعید نے لکھا کہ وہ صنعت کی ترقی میں حصہ ڈالنے کے لیے  پرجوش ہیں۔

علی ظفر نے کہا کہ فلم انڈسٹری کی بہتری کیلئے اٹھائے گئے یہ اقدامات گیم چینجر ثابت ہوں گے۔

انٹرٹینمنٹ سے مزید