آپ آف لائن ہیں
جمعہ12؍ربیع الاوّل 1442ھ 30؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شہر کی مختلف چورنگیوں اور فٹ پاتھوں کو بہتر بنایا جائیگا، ایڈمنسٹریٹر کراچی

کراچی (اسٹاف رپورٹر)ایڈمنسٹریٹر کراچی افتخار علی شالوانی نے کہا ہے کہ شہر کی مختلف چورنگیوں اور فٹ پاتھوں کو بہتر بنایا جائے گا اور جہاں گنجائش ہوگی وہاں یادگار (مونومنٹس) اور اسٹریٹ لائبریریز بھی بنائی جائیں گی تاکہ شہر میں علم و ادب اور تہذیب و ثقافت کو فروغ ملے، وہ کلفٹن برج کے ساتھ بیوٹیفکیشن منصوبے کا جائزہ لے رہے تھے، ایڈمنسٹریٹر نے کہا کہ اسٹریٹ لائبریریز کے قیام کا مقصد کتاب کو اپنا دوست اور جیون ساتھی بنانا ہے، نوجوان نسل اگر کتابوں سے دوستی کرلے تو تعلیم یافتہ اور باشعور معاشرے کی تشکیل میں مدد مل سکتی ہے، کلفٹن برج کے ساتھ بیوٹیفکیشن پلان میں چیس کارنر کا قیام بھی شامل ہے تاکہ شام کے اوقات میں شہری یہاں اپنا کچھ وقت خوشگوار انداز میں گزار سکیں، ہمیں کراچی کا امیج بہتر بنانا اور اپنی روایات کو پھر سے زندہ کرنا ہے۔

شہر قائد/ شہر کی آواز سے مزید