شان کو وزیر اعظم کی کونسی بات پسند ہے؟

پاکستان فلم انڈسٹری کے معروف اداکار شان شاہد نے وزیراعظم عمران خان کے لیے تعریفی پیغام جاری کردیا۔

سماجی رابطے کی ویب سائٹ ٹوئٹر پر شان شاہد نے وزیراعظم پاکستان کے لیے تعریفی پیغام جاری کرتے ہوئے لکھا کہ ’عمران خان کی ایک بات مجھے بہت پسند ہے اور وہ یہ ہے کہ وزیراعظم صاحب یاروں کے یار نہیں ہیں بلکہ صرف پاکستان کے یار ہیں۔‘

شان شاہد نے وزیراعظم عمران خان سے اپنی محبت کا اظہار کرنے کے لیے اپنے ٹوئٹ میں پاکستان کے جھنڈے اور دل والے ایموجی کا بھی اضافہ کیا۔

شان شاہد ’پلس ون، مائنس آل‘ فارمولے کے حامی

ماضی میں پاکستان فلم انڈسٹری کے نامور اداکار شان...

اداکار کے اِس ٹوئٹ کی حمایت کرتے ہوئے ٹوئٹر صارفین نے بھی اپنے خیالات کا اظہار کیا جن میں زیادہ تر صارفین کا کہنا تھا کہ شان شاہد بالکل درست کہہ رہے ہیں۔

اِس کے علاوہ شان شاہد نے اپنے ایک اور ٹوئٹ میں بانی پاکستان قائد اعظم محمد علی جناح کی تصویر شیئر کی۔

قائد اعظم محمد علی جناح کی تصویر شیئر کرتے ہوئے شان شاہد نے لکھا کہ’ہمارے لیڈر‘، ایک لمحے کے لیے سب متحد ہوجائیں۔‘

سیاست طاقتور اور بےاختیار افراد کے درمیان کا کھیل ہے، شان شاہد

پاکستان فلم انڈسٹری کے معروف اداکار شان شاہد نے سیاست کو ایک کھیل قرار دیتے ہوئے کہا ہے کہ سیاست طاقتور اور بےاختیار افراد کے درمیان کا کھیل ہے۔

واضح رہے کہ شان شاہد کے اِس ٹوئٹ کو صارفین کی جانب سے خوب پسند کیا جارہا ہے۔