آپ آف لائن ہیں
ہفتہ6؍ربیع الاوّل 1442ھ 24؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

میر شکیل الرحمٰن کی غیر قانونی گرفتاری کیخلاف احتجاج


پاکستان کے سب سے بڑے میڈیا گروپ جنگ اور جیو کے ایڈیٹر انچیف میر شکیل الرحمٰن کی غیر قانونی گرفتاری کے خلاف ملک گیر احتجاج کا سلسلہ جاری ہے۔

لاہور میں ڈیوس روڈ پر جاری احتجاجی کیمپ میں سینئر صحافی ظہیر انجم، جاوید مغل، جنگ ورکرز یونین کے فاروق اعوان، عزیز شیخ، محمد علی اور واجد حسین شریک ہوئے۔

اس موقع پر خطاب کرتے ہوئے مقررین کا کہنا تھا کہ میر شکیل الرحمٰن کی رہائی تک احتجاج جاری رہے گا۔

کوئٹہ میں جنگ بلڈنگ کے باہر ہونے والے احتجاج میں صدر جنگ ایمپلائز یونین حماداللّٰہ سمیت جنگ اور جیو کے ملازمین نے شرکت کی۔

شرکاء نے میر شکیل الرحمٰن کی رہائی اور آزادی صحافت کے حق میں نعرے لگائے۔

پشاور میں صحافیوں نے احتجاج کرتے ہوئے میر شکیل الرحمٰن کی رہائی کا مطالبہ کیا۔

بہاولپور میں صحافیوں نے پریس کلب پر احتجاج کیا اور ریلی نکالی جبکہ نواب شاہ میں سول سوسائٹی نے موہنی بازار میں مظاہرہ کیا۔

قومی خبریں سے مزید