پنجاب واحد صوبہ، جہاں آٹا مقررہ نرخ پر دستیاب ہے، بزدار

وزیر اعلیٰ پنجاب عثمان بزدار نے کہا ہے کہ پنجاب ملک کا واحد صوبہ ہے جہاں آٹے کا تھیلا مقررکردہ نرخ پر دستیاب ہے۔

عثمان بزدار نے ان خیالات کا اظہار پنجاب کابینہ کے خصوصی اجلاس کی صدارت کرتے ہوئے کیا۔

اس موقع پر درآمدی گندم ٹریڈنگ کارپوریشن آف پاکستان(ٹی سی پی) سے خریدنے کی منظوری دے دی۔

وزیراعلیٰ پنجاب نے مزید کہا کہ گندم اور آٹے کی قیمتوں میں استحکام کے لیے ہر ضروری اقدامات اٹھائے جائیں گے۔

اس سے قبل عثمان بزدار نے بچوں کو پولیو کے قطرے پلاکر صوبے بھر میں انسداد پولیو مہم کا افتتاح بھی کیا ۔