آپ آف لائن ہیں
منگل9؍ربیع الاوّل 1442ھ 27؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شہر میں پھرتیز رفتار گیس میٹرز کی تنصیب جاری ہے،جمعیت نظریاتی

کوئٹہ (آن لائن ) جمعیت نظریاتی کے مرکزی سیکرٹری اطلاعات سید حاجی عبدالستار شاہ چشتی مرکزی مالیات حاجی حیات اللہ کاکڑ صوبائی نائب امیر مفتی رحمت اللہ صوبائی سیکرٹری اطلاعات مولوی رحمت اللہ حقانی نیکہا کہ وفاقی محتسب گیس میٹر اتارنے مافیازکے خلاف عملی کارروائی کیا جائیسوئی سدرن گیس کمپنی کی جانب سے کوئٹہ شہر کے مختلف علاقوں میں ایک بار پھر غریب اور لاچار عوام کے گھروں کے گیس میٹرز اتار کر لے جانے اور ملک کے دیگر صوبوں سے مسترد شدہ تیز رفتار گیس میٹرز کی تنصیب جاری ہے۔ اب ایک بار پھر میٹرز کو لیبارٹری بھیج کر نقص نکالنے کے حیلے بہانے اور بغیر کسی رپورٹ کیجرمانے کی صورت میں صارفین کو بھاری برقم بلوں کو بھیجنے کا سلسلہ شروع ہوچکا ہے ۔ انہوں نے کہا کہ گیس محکمہ نے گیس میٹر اتارنے کو ایک منافع بخش کاروبار بنایا ہے محکمہ سوئی گیس میٹر اتارنے کے متحرک مافیا مختلف حیلوں بہانوں سے صارفین کے میٹر اتار کر بھاری نذرانے وصول کررہے ہیں۔ محکمہ سوئی گیس سادہ لوح عوام کو بلیک میل کرکے دونوں ہاتھوں سے لوٹ کا بازار گرم کئے ہوئے ہیں عوام بل باقاعدگی سے ادا کرتا ہے لیکن بل ادائیگی کے باوجود گیس حکام بغیر کسی نوٹس اور پیشگی اطلاع کے میٹر اتار لیتے ہیں اور پھر جرمانہ کیساتھ اسکو گیس کا بل بھیج دیاجاتاہے۔

کوئٹہ سے مزید