• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سی سی پی او لاہور نے جرائم پیشہ افراد کا ریکارڈ مکمل کرنے کا حکم دیدیا

سی سی پی او لاہور عمر شیخ نے 15 اکتوبر تک جرائم پیشہ افراد کا ریکارڈ مکمل کرنے کا حکم دیتے ہوئے کہا کہ پولیس کو جدید خطوط پر استوار اور ٹیکنالوجی بیسڈ بنایا جارہا ہے۔

لاہورکے سی سی پی او عمر شیخ کی جانب سے جاری مراسلے میں کہا گیا کہ کریمنل ریکارڈ آفس کو نادرا ریکارڈ آفس کی طرز پر بنایا جارہا ہے، ریکارڈ مینجمنٹ سسٹم سے ٹاؤٹ مافیا کےخلاف کارروائی میں آسانی ہوگی۔

انہوں نے کہا کہ ریکارڈ محفوظ ہونے سے کوئی ملزم قانون کی گرفت سے بچ نہیں سکے گا، کریمنل ریکارڈ آفس میں چھوٹے، بڑےتمام جرائم میں ملوث ملزمان کا ریکارڈ محفوظ بنانے کی ہدایت کی گئی ہے۔

عمر شیخ کا کہنا تھا کہ نیویارک جیسی پولیس بنانے کیلئے کریمنل ریکارڈ مینجمنٹ سسٹم اہم سنگِ میل ہے۔

قومی خبریں سے مزید