مداحوں کی محبت میرے لیے بہت معنی رکھتی ہے، عائزہ خان

پاکستان ڈرامہ انڈسٹری کے متعدد ڈرامو ں میں اداکاری کے جوہر دِکھانے والی معروف اداکارہ عائزہ خان نے سوشل میڈیا پر اپنے مداحوں کے لیے خصوصی پیغام جاری کیا ہے۔

حیرت انگیز اداکاری کرکے لاکھوں دِلوں پر راج کرنے والی عائزہ خان نے سوشل میڈیا سائٹ انسٹاگرام پر اپنا ایک ویڈیو پیغام جاری کیا ہے جو اُنہوں نے خصوصی طور پر اپنے تمام چاہنے والوں کے لیے ریکارڈ کیا ہے۔

عائزہ خان نے اپنے ویڈیو پیغام میں کہا کہ ’وہ اپنے شوٹ اور دیگر کاموں کی وجہ سے بےحد مصروف رہتی ہیں اس لیے مداحوں کے پیغامات کا جواب نہیں دے پاتی ہیں لہٰذا آج اُنہوں نے سوچا کہ وہ ایک چھوٹا سا ویڈیو پیغام ریکارڈ کرکے اپنے چاہنے والوں کا شکریہ ادا کریں۔‘

اداکارہ نے کہا کہ ’وہ اُن تمام لوگوں کی شُکر گُزار ہیں جو اُن سے محبت کرتے ہیں، اُن کے کام کو سراہاتے ہیں اور اُن کے لیے نیک تمناؤں کا اظہار کرتے ہیں۔‘

عائزہ خان کی نظر کس پر ہے؟

’یاریاں‘ اور ’مہرپوش ‘جیسے مقبول ترین ڈراموں میں اپنی اداکاری کے جوہر دکھانے والی عائزہ خان نے سوشل میڈیا پر اپنی نئی تصویریں شیئر کی ہیں۔

انسٹاگرام پر ویڈیو پوسٹ کرتے ہوئے عائزہ خان نے اپنے مداحوں سے مخاطب ہوتے ہوئے لکھا کہ ’میں وہ تمام پیغامات دیکھتی ہوں جو آپ روزانہ مجھے بھیجتے ہیں اور اُنہیں پڑھنے کے بعد اندازہ لگایا جاسکتا ہے کہ آپ مجھ سے کس قدر محبت کرتے ہیں۔‘

عائزہ خان نے لکھا کہ ’میں اپنے کام اور فیملی کی مصروفیت کی وجہ سے ہر ایک مداح کو ذاتی طور پر جواب نہیں دے سکتی ہوں لہٰذا میں نے آپ سب سے اپنی محبت کا اظہار کرنے کے لیے صبح سویر ے یہ پیغام ریکارڈ کروایا۔‘

عائزہ خان کی اولین ترجیح کیا ہے؟

پاکستان شوبز انڈسٹری کی خوبرو اور باصلاحیت اداکارہ عائزہ خان نے سوشل میڈیا پر اپنی بیٹی حورین اور بیٹے ریان تیمور کے لیے ایک جذباتی پیغام جاری کیا ہے۔

اداکارہ نے مزید لکھا کہ ’میرے مداحوں کی محبت میرے لیے بہت معنی رکھتی ہے۔‘

عائزہ خا ن نے 19 گھنٹے قبل یہ ویڈیو پیغام انسٹاگرام پر شیئر کیا ہے جسے اب تک 3 لاکھ 26 ہزار سے زائد صارفین لائیک کرچکے ہیں۔

عائزہ خان کی چھوٹی بہن کی شوبز میں انٹری

پاکستان ٹی وی انڈسٹری کی خوبرو اور باصلاحیت اداکارہ عائزہ خان کی چھوٹی بہن حبا خان نے بھی شوبز انڈسٹری میں انٹری مار لی ہے جس کی تصاویر سوشل میڈیا پر وائرل ہوگئی ہیں۔

واضح رہے کہ عائزہ خان آج کل جیو انٹر ٹینمنٹ کے مقبول ترین ڈرامہ سیریل ’مہر پوش‘ میں ’مہرو‘ کا مرکزی کردار ادا کر رہی ہیں جبکہ ڈرامے میں اُن کے شوہر دانش تیمور بھی اُن کے ساتھ نظر آرہے ہیں جو ’شاہ جہاں‘ کا کردار نبھا رہے ہیں۔