آرمی چیف جنرل قمر جاوید باجوہ کا اسکردو، گلگت کا دورہ

آرمی چیف جنرل قمر جاوید باجوہ نے اسکردو اور گلگت کا دورہ کیا جہاں انھیں کنٹرول لائن پر تازہ ترین صورتحال اور ایل او سی پر تعینات ایف سی این اے کے جوانوں کی آپریشنل تیاریوں پر بریفنگ دی گئی۔

پاک فوج کے شعبہ تعلقات عامہ آئی ایس پی آر کے مطابق آرمی چیف نے پاک فوج کے افسروں اور جوانوں کے بلند حوصلے کو سراہا۔

آرمی چیف جنرل قمر جاوید باجوہ نے بڑھتے خطرات کے پیش نظر بہترین تیاری اور مؤثر جواب کی ضرورت پر زور دیا۔

آرمی چیف نے سافٹ وئیر ٹیکنالوجی پارک کا افتتاح بھی کیا۔

اس موقع پر ان کا کہنا تھا کہ دور افتادہ علاقے میں آئی ٹی کلسٹر کے قیام کے دور رس اثرات ہوں گی۔

اسکردو ائیر پورٹ آمد پر کور کمانڈر راولپنڈی لیفٹیننٹ جنرل اظہر عباس نے آرمی چیف کا استقبال کیا۔