آپ آف لائن ہیں
ہفتہ13؍ربیع الاوّل 1442ھ31؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

فلم اسٹار میرا حیدرآباد میں جلوے بکھیریں گی


صدارتی ایوارڈ یافتہ فلم اسٹار میرا جی دریائے سندھ کے کنارے آباد شہر حیدرآباد میں پہلی بار جلوے بکھیریں گی۔

گزشتہ روز مقامی ہوٹل میں فلم اسٹار میرا اور معروف آرگنائزر سلیم گڈو کے مابین معاہدہ طے پا گیا۔

تفصیلات کے مطابق پاکستان اور بھارت کی درجنوں فلموں میں شاندار اداکاری کے جوہر دکھانے والی انٹرنیشنل اداکارہ میرا کو پاکستان آرٹسٹ ویلفیئر فاؤنڈیشن کی جانب سے ٹریبیوٹ جمعہ 6 نومبر 2020 کو پیش کیا جائے گا جس میں فلم اسٹار میرا اپنی دل کش پرفارمنس کا جادو جگائیں گی۔ 

میرا کا ٹریبیوٹ حیدرآباد کے انڈس ہوٹل میں ہوگا، اس بارے میں میرا جی کا کہنا ہے کہ میں نے کبھی حیدرآباد میں شو نہیں کیا تھا، بہت دنوں سے محبتوں اور پیار کرنے والوں کے شہر حیدرآباد میں شو کرنے کی خواہش تھی جو 6 نومبر کو پوری ہوگی۔ 

انہوں نے کہا کہ پاکستان آرٹسٹ ویلفیئر فاؤنڈیشن کی دعوت پر وادئ مہران کے شہر حیدرآباد آرہی ہوں، ویسے تو پاکستان کے سارے شہر میرے اپنے ہیں، مجھےسب سے پیار ہے۔

میرا کا کہنا تھا کہ مجھے سندھ کی دھرتی سے محبت کی خوشبو آتی ہے، اجرک کا رنگ مجھے بہت پسند ہے۔

میرا جی کا مزید کہنا تھا کہ حیدرآباد کے شو میں ایس او پیز کا خاص خیال رکھا جائے گا۔

انٹرٹینمنٹ سے مزید