آپ آف لائن ہیں
منگل15ربیع الثانی 1442ھ یکم دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مسٹر پرفیکشنسٹ عامر خان کے بیٹے جنید خان فلم آڈیشن میں فیل

مداح اکثر اپنے من پسند اداکاروں کے بچوں کو فلموں میں ایک جھلک دیکھنے کے خواہشمند ہوتے ہیں، اور عامر خان کے بیٹے کے لیے ایسی ہی خواہش رکھنے والے مداحوں کو اب مزید انتظار کرنا پڑے گا۔

کیونکہ بالی ووڈ کے معروف اداکار اور مسٹر پرفیکشنسٹ سمجھے جانے والے عامر خان کے بیٹے جنید خان فلم کے آڈیشن میں فیل ہوگئے۔

بھارتی میڈیا کی رپورٹ کے مطابق عامر خان کے بیٹے جنید خان ملیالم سپر ہٹ فلم ’عشق‘ کے ہندی ری میک سے اپنے کیریئر کا آغاز کرنے کے لیے تیار تھے۔

جنید خان سے متعلق یہ اطلاعات سامنے آئی ہیں کہ وہ عشق کے ہندی ری میک کے لیے آڈیشن دینے کے لیے گئے تھے لیکن انھیں مسترد کردیا گیا اور فلم میں کوئی کردار ہی نہ مل سکا۔

اس فلم کے پروڈیوسر ٹوٹل سیاپا، رستم، نام شبانہ اور ٹوائلٹ: ایک پریم کتھا جیسی فلمیں بنانے والے نیرج پانڈے ہیں۔

جنید خان سے متعلق یہ اطلاعات بھی گردش کر رہی ہیں کہ وہ اس سے قبل بھی کئی کاسٹنگ ڈائریکٹر سے ملاقاتیں کر چکے ہیں اور متعدد آڈیشنز بھی دے چکے ہیں لیکن انھیں اب تک کوئی کام ہی نہ مل سکا جبکہ وہ پچھلے 3 سالوں سے تھیٹر کر رہے ہیں۔

انٹرٹینمنٹ سے مزید