آپ آف لائن ہیں
ہفتہ12؍ربیع الثانی 1442ھ 28؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

طلباء سیاست پر پابندی کا فیصلہ قبول نہیں ‘ بی ایس او پجار

کوئٹہ(آن لائن)بلوچ اسٹوڈنٹس آرگنائزیشن پجار کے مرکزی ترجمان نے اپنے بیان میں یونیورسٹی آف بلوچستان کے طلباء سیاست پر پابندی کے نوٹیفکیشن کو مسترد کرتے ہوئے کہا ہے کہ انتظامیہ کی بوکھلاہٹ واضح ہوگئی‘انتظامیہ نے اپنی ناکامی نا اہلی چھپانے کے لئے طلباء سیاست پر قدغن لگانے کی ناکام کوشش کی ہے۔ ترجمان نے کہا کہ علم آگاہی وشعور سے خوفزدہ ہوکر طلباء سیاست پر پاپندی لگا دی گئی جسے بی ایس پجار مکمل طور پر مسترد کرتی ہے اور ہم سمجھتے ہیں کے یہ رویہ طلباء و طالبات کو دیوار سے لگانے اور ان کو خاموش کرنے کے لئے اپنایا گیا ہے۔تنظیم تمام ترقی پسند طلباء تنظیموں کے ساتھ مل کے فیصلے کے خلاف بھر پور تحریک چلائی گی۔

کوئٹہ سے مزید