آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ندیم عمر لنکا پریمئیر لیگ جیتنے کیلئے پُرامید

گال گلیڈی ایٹرز کے مالک ندیم عمر کا کہنا ہے کہ لنکا پریمئیر لیگ (ایل پی ایل) میں ان کی ٹیم پہلے سیزن میں ٹائٹل اپنے نام کرنے میں کامیاب ہوجائے گی۔

لنکا پریمئیر لیگ میں شامل گال گلیڈیئٹرز کے مالک ندیم عمر کا کہنا ہے کہ گال گلیڈی ایٹرز پہلے ہی سیزن میں ٹائٹل جیتنے کی صلاحیت رکھتی ہے، ٹیم بہترین کھلاڑیوں پر مشتمل ہے۔

انہوں نے کہا کہ ٹیم کو شاہد آفریدی اور لاستھ ملنگا جیسے عظیم ٹی ٹوئنٹی کھلاڑیوں کی خدمات حاصل ہیں، پھر منجمنٹ میں لیجنڈ وسیم اکرم بطور مشیر، معین خان کوچ اور اعظم خان منیجر سمیت بہترین ٹرینر کی موجودگی میں ٹیم کو فائدہ ہوگا۔


ندیم عمر کا مزید کہنا تھا کہ گال گلیڈی ایٹرز میں شامل سرفراز احمد، کولن انگرام ، محمد عامر، حضرت اللّٰہ زیزی اور ابھرتے ہوئے اسٹار اعظم خان سے بہت امید ہے۔

انہوں نے کہا کہ سری لنکا میرے لیے دوسرا گھر ہے، گال گلیڈی ایٹرز کو بھرپور سپورٹ حاصل ہوگی۔

ایل پی ایل لیگ 21 نومبر سے 13 دسمبر تک سری لنکا میں کھیلی جائے گی۔

کھیلوں کی خبریں سے مزید