• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سپریم کورٹ بار کے الیکشن29اکتوبر کو ہونگے‘صدراتی امیدوارں میںسخت مقابلہ

میرا شہر
لاہور
25 اکتوبر ، 2020
لاہور(کورٹ رپورٹر)سپریم کورٹ بار ایسوسی ایشن کے سالانہ الیکشن 29اکتوبر کوہونگے۔عدلیہ کا سب سے بڑا انتخابی دنگل لاہور میں سجے گا۔انڈیپنڈنٹ گروپ اور انصاف لائرز فورم کے صدارتی امیدواروں کے مابین کڑا مقابلہ ہوگا۔صدر کے عہدے کیلئے انڈیپنڈنٹ گروپ کےعبداللطیف آفریدی اور انصاف لائرز فورم کے عبدالستار خان کے درمیان ون ٹو ون مقابلہ متوقع ہے۔ اس بار دونوں صدارتی امیدواروں کا تعلق خیبر پختونخوا سے ہے۔ نائب صدر کیلئے پنجاب سے 3امیدواروں بابر علی خلجی، محمد ارشد باجوہ چودھری اور محمد یونس خان نول میدان میں ہیں۔سیکرٹری کی نشست پر پنجاب سے احمد شہزاد فاروق رانا اور محمد عامر سہیل سلیمی کے درمیان مقابلہ ہوگا۔ پنجاب سے ممبر ایگزیکٹو کیلئے 4امیدوار بھی میدان میں ہیں۔ ۔ سپریم کورٹ بار کے وکلاء کی سب سے زیادہ تعداد1ہزار329کا تعلق لاہور سے ہے۔پولنگ کا وقت صبح ساڑھے آٹھ سے شام 5 بجے تک ہوگا۔غیرحتمی و غیرسرکاری انتخابی نتائج کا اعلان 29اکتوبر کو ہی کردیا جائے گاجبکہ نتائج کا سرکاری اعلان 4نومبر کو کیا جائیگا۔
تازہ ترین