آپ آف لائن ہیں
جمعہ11؍ربیع الثانی 1442ھ 27؍نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بابر اعظم کو ٹیسٹ ٹیم کا بھی کپتان بنانے کی تیاری مکمل

کراچی (اسٹاف رپورٹر) پاکستان کرکٹ بورڈ نے بابر اعظم کو ون ڈے اور ٹی 20 کے بعد ٹیسٹ کا کپتان بنانے کی بھی مکمل تیاری کر لی ہے فیصلے کا اعلان نومبر کے دوسرے ہفتے میں زمبابوے کی سیریز کے بعد کیا جائے گا۔جلد اظہر علی سے احسان مانی فیصلہ کن میٹنگ کریں گے۔ اظہر علی اس وقت کراچی میں قائد اعظم ٹرافی کا میچ کھیل رہے ہیں۔ پی سی بی کرکٹ کمیٹی کے چیئرمین کی عدم موجودگی میں پی سی بی نے کمیٹی کے سب سے با اثر رکن سے اس سلسلے میں مشاروت کی ہے اور ان کی جانب یہی رائے سامنے آئی ہے کہ اظہر علی کوذمے داریوں سے سبکدوش کردیا جائے۔ تاہم اظہر علی بیٹسمین کی حیثیت سے پاکستان ٹیم کے ساتھ نیوزی لینڈ جائیں گے۔ پی سی بی چیئرمین احسان مانی سمیت بورڈ کے ذمے دار اس حساس معاملے پر بات کرنے سے گریز کررہے ہیں۔ کرکٹ کمیٹی کے رکن اور سابق کپتان کی جانب سے بابر کو ٹیسٹ ٹیم کی قیادت سونپنے کی تجویز سامنے آئی ہے ۔ وکٹ کیپر محمد رضوان کو بھی ٹیسٹ ٹیم کی کپتانی دینے پرغور ہورہا ہے لیکن بابر کا کیس مضبوط ہے۔ رضوان کو نائب کپتان مقرر کیا جاسکتا

ہے۔ انگلینڈ کی سیریز کے ساتھ ہی اظہر کے عہدے کی معیاد ختم ہوچکی ہے۔ پی سی بی ان کے معاہدے کی تجدید نہیں کرنا چاہتا اس سلسلے میں حتمی فیصلہ چیئرمین احسان مانی کریں گے۔انہی کو کپتان مقر ر کرنے کا استحقا ق ہے۔

اسپورٹس سے مزید