گورنر، وزیراعلیٰ پنجاب کا اپوزیشن سے جلسوں کی سیاست ترک کرنے کا مطالبہ

گورنر اور وزیراعلیٰ پنجاب نے اپوزیشن سے دہشت گردی کے واقعات کے پیش نظر احتجاجی جلسوں کی سیاست ترک کرنے کا اور اتحاد کا مظاہرہ کرنے کا مطالبہ کردیا۔

گورنر پنجاب چوہدری محمد سرور اور وزیراعلیٰ پنجاب عثمان بزدار نے ملاقات کی جس میں مختلف امور پر تبادلہ خیال کیا گیا۔

اس دوران گورنر پنجاب چوہدری محمد سرور نے ملک میں اتحاد کی ضرورت پر زور دیا۔

ان کا کہنا تھا کہ دہشتگردی کے خاتمے کے لیے ملک میں اتحاد کی ضرورت ہے۔

عثمان بزدار کی پشاور دھماکے کی شدید مذمت

وزیراعلیٰ پنجاب عثمان بزدار نے خیبر پختون خوا کے دارالخلافہ پشاور کے علاقے دیر کالونی میں کوہاٹ روڈ پر واقع مدرسے میں دھماکے کی شدید مذمت کی ہے۔

انھوں نے یہ بھی کہا کہ اپوزیشن کی سیاست ملک میں اتحاد و یکجہتی کو نقصان پہنچا رہی ہے۔

گورنر سے ملاقات میں وزیراعلیٰ پنجاب سردار عثمان بزدار نے کہا کہ اپوزیشن کی انتشار اور احتجاج کی سیاست کامیاب نہیں ہوگی۔

انھوں نے یہ بھی کہا کہ عمران خان ہی وہ لیڈر ہیں جو ملک کو معاشی بحران سے نجات دلائیں گے۔