فرمان الہی
نماز کے اوقات
اسلام آباد ( وقائع نگار ) چیئرمین پاکستان پیپلزپارٹی بلاول بھٹو زرداری نے کہا ہے کہ وہ اور ان کی پارٹی عمران خان کو اس بات کی قطعی اجازت نہیں دیں گے کہ وہ ہماری پولیس،ہماری رینجرز اور ہماری فوج کو اپنی ٹائیگرز فورس میں تبدیل کر دیں۔ عوام پاکستان کو جمہوری اورخوشحال ملک بنانے کیلئے پی ڈی ایم کی حمایت کریں، یہ بات انہوں نے گلگت بلتستان کے علاقےروندو میں انتخابی میٹنگ سے خطاب کرتے ہوئے کہی۔چیئرمین پی پی پی نے کہا کہ ضلع روندو اور جی بی کے عوام نے جب شہید ذوالفقار علی بھٹو کا ساتھ دیا تو انہوں نے جی بی میں ایف سی آر کا خاتمہ کیا اور عوام کو سبسڈی اور روزگار دیا۔انہوں نے کہا کہ اب جب آپ میرا اور پیپلزپارٹی کا ساتھ دیں گے تو پارٹی آپ کے نمائندوں کو سینیٹ اور قومی اسمبلی میں بھیجے گی،ہم آپ کو عمران خا ن اور تحریک انصاف کی تباہی سے بچائیں گے ۔
