آپ آف لائن ہیں
اتوار13؍ ربیع الثانی1442ھ 29؍ نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارتی ناظم الامور دفتر خارجہ طلب کرتار پور پراپیگنڈے پر شدید احتجاج

بھارتی ناظم الامور دفتر خارجہ طلب کرتار پور پراپیگنڈے پر شدید احتجاج


اسلام آباد(نمائندہ جنگ)وزارت خارجہ میں بھارتی ناظم الامور کو طلب کرکے کرتارپور صاحب کے بارے میں بھارتی حکومت کے بے بنیاد اور جھوٹے پراپیگنڈے پر شدید احتجاج اوراسے سختی سے مسترد کیا گیاہے ،بھارتی ناظم الامور کو بتایاگیا کہ بھارتی پراپیگنڈے کو خود پاکستان سکھ گوردوارہ پربندھک کمیٹی نے بھی مسترد کیا ہے۔ ترجمان دفتر خارجہ زاہد حفیظ چوہدری کی طرف سے جاری بیان کے مطابق بھارتی ناظم الامور سے کہاگیا کہ بھارتی حکومت کی جھوٹ اور بدنیتی پر مبنی مہم ”امن کی راہداری“ کو بدنام کرنے کی کوشش دکھائی دیتی ہے جس کے ذریعے سکھ برادری کے مفادات کے خلاف شرانگیز الزامات عائد کئے گئے اور اس طرح خود بھارتی حکومت کی اپنے ملک کے اندر اقلیتوں کے انسانی حقوق کی بہیمانہ خلاف ورزیوں سے توجہ ہٹانے کی کوشش کی گئی۔

اہم خبریں سے مزید