آپ آف لائن ہیں
جمعہ8؍ جمادی الثانی 1442ھ 22؍ جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ن لیگ کا دھاندلی بیانیہ متوقع تھا، شہباز گِل


معاون خصوصی شہباز گِل کا مسلم لیگ ن جماعت سے متعلق کہنا ہے کہ ن لیگ کا دھاندلی بیانیہ متوقع تھا۔

پاکستان تحریک انصاف کے رہنما شہباز گِل نے پاکستان مسلم لیگ ن کی ترجمان مریم اورنگزیب کے بیان پر ردعمل دیتے ہوئے کہا ہے کہ میاں مفرور نے خود اپنے سیاسی کیریئر میں ووٹ چوری کیا، ہار ا ن کے چہرے سے عیاں ہے۔

شہباز گِل نے کہا ہے کہ گلگت نے ا ن کی ہار پر ٹھپہ پہلے ہی لگا دیا تھا۔

انہوں نے مزید کہا ہے کہ ن لیگ کے درباری بوکھلاہٹ کا شکار ہیں، گلگت بلتستان کے عوام کبھی ریاست مخالفین کو موقع نہیں دیں گے۔

شہباز گِل کا کہنا ہے کہ جیت تحریکِ انصاف کا مقدر ہے۔

واضح رہے کہ پاکستان مسلم لیگ ن کی ترجمان مریم اورنگزیب کی جانب سے گلگت بلتستان میں دھاندلی پر الیکشن کمیشن سے نوٹس لینے کا مطالبہ کیا گیا ہے۔

مریم اورنگزیب نے گلگت بلتستان میں دھاندلی پر احتجاج کرتے ہوئے مطالبہ کیا ہے کہ گلگت بلتستان الیکشن کمیشن فوری دھاندلی رکوائے اور ذمہ داران کے خلاف کارروائی کی جائے۔

قومی خبریں سے مزید