ایران کی القاعدہ کے سیکنڈ ان کمانڈ کی تہران میں ہلاکت کی تردید

14 نومبر ، 2020

ایران نے دارالحکومت تہران میں دہشت گرد تنظیم القاعدہ کے سیکنڈ ان کمانڈ ابو محمد المصری کے مارے جانے کی تردید کردی ہے۔

ایرانی وزارت خارجہ کے ترجمان نے ابو محمد المصری کے تہران میں مارے جانے کی خبر کو جھوٹ اور بے بنیاد قرار دیا ہے۔

ترجمان نے مزید کہا کہ امریکا اور اسرائیل اس نوعیت کی جھوٹی اور بے بنیاد خبریں میڈیا میں لیک کرکے ایران کو ان دہشت گرد گروپوں سے منسلک کرنے کی کوشش کرتے رہتے ہیں۔

یہ بھی پڑھیے

ایرانی وزارت خارجہ نے یہ بھی کہا کہ امریکا اور اسرائیل یہ کوشش اس لیے کرتے ہیں تاکہ خطے میں دہشت گرد گروپوں کی مجرمانہ سرگرمیوں کی ذمے داری سے بچا جاسکے۔

ترجمان نے یہ بھی کہا کہ القاعدہ کا کوئی دہشت گرد ایرانی سرزمین پر موجود نہیں ہے۔

امریکی اخبارنے اپنی رپورٹ میں کہا تھا کہ القاعدہ سیکنڈ اِن کمانڈ ابو محمد المصری تہران میں اگست کے مہینے میں اسرائیلی ایجنٹس کی فائرنگ سے ہلاک ہوا۔

تازہ ترین