• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور ٗمنشیات فروشوں کے خلا ف مہم ٗ6افراد گرفتار

میرا شہر
پشاور
17 نومبر ، 2020
پشاور( کرائم رپورٹر) کیپٹل سٹی پولیس پشاور نے منشیات فروشوں کے خلاف خصوصی مہم کے دوران 6افراد کو گرفتار کرکے لاکھوں روپے مالیت کی منشیات برآمد کرلیں ۔ سی سی پی او محمد علی گنڈاپور کی خصوصی ہدایت پر ایس ایس پی آپریشنز پشاور منصور امان کی سربراہی میں ضلع بھر میں ایس پیز کی نگرانی میں منشیا ت فرو شوں کے خلاف جاری مہم کے دوران کارروائیاں کی گئی ہیں جس کے دوران ایس ایچ او تھانہ سربند قیصر ،ایس ایچ او حیات آباد محمد علی ،ایس ایچ او تھانہ پھندو دیار خان ،ایس ایچ او متنی ملک احمدایس ایچ او گلبرگ اختر گل ،ایس ایچ او تھانہ خزانہ اعجاز نبی نے مختلف کاروائیوں کے دوران 6 منشیات فروشوں مشرف ولد گل رحمان ،رضوان ولد نبی گل ،محمد عمر ولد سعیدا للہ ،محمد عمران ولد سید رحمان ،الماس ولد میر زمان اور امین ولد صابر کو گرفتار کر کے ان کے قبضے سے مجموعی طور پر 14کلو گرام سے زائد چرس اور 100گرام آئس برآمد کرلی گئی ہیں ،گر فتار ملزمان نے ابتدائی تفتیش کے دوران منشیات کے مکروہ دھندے میں ملوث ہونے کا اعتراف کرلیا ، تمام ملزمان کے خلاف مختلف مقدمات درج کرلیے گئے ہیں،تمام ملزمان پر مقدمات درج کرلیے گئے ہیں
تازہ ترین