آپ آف لائن ہیں
جمعہ8؍ جمادی الثانی 1442ھ 22؍ جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آزاد کشمیر: 20 نومبر سے 15 دن کے لیے لاک ڈاؤن کا فیصلہ


کورونا وائرس کے کیسز میں اضافے کے بعد آزاد کشمیر میں 20 نومبر سے 15 دن کے لیے لاک ڈاؤن لگانے کا فیصلہ کرلیا گیا ہے۔ 

اس حوالے سے آزاد کشمیر کابینہ کا اجلاس ہوا، جس میں فیصلہ کیا گیا کہ 20 نومبر سے آئندہ 15 روز کے لے لاک ڈاؤن لگایا جائے گا جس میں شادی اور دیگر تقریبات پر مکمل پابندی ہوگی، جبکہ تمام اسکولز بھی مکمل بند ہوں گے۔

کابینہ اجلاس میں یہ بھی فیصلہ کیا گیا کہ مذہبی اجتماعات، نمازِ جنازہ مکمل ایس او پیز کے تحت ہوں گے۔


اجلاس میں یہ بات بھی زیر غور آئی کہ اسکولوں میں کورونا کے پھیلاؤ کی شرح سب سے زیادہ ہے۔

لاک ڈاؤن کا باقاعدہ اعلان آج پریس بریفنگ کے دوران کیا جائے گا۔

خیال رہے کہ پاکستان میں کورونا کی دوسری لہر آنے کے بعد کورونا وائرس کے کیسز میں بتدریج اضافہ ہو رہا ہے۔ 

واضح رہے کہ آزاد کشمیر کے دارالحکومت مظفرآباد میں کورونا کیسز کی شرح 19 فیصد تک پہنچ گئی ہے۔

قومی خبریں سے مزید