آپ آف لائن ہیں
جمعرات17؍ربیع الثانی 1442ھ3؍دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کنگنا کا زندہ جلائی جانے والی لڑکی کے اہلِ خانہ کیلئے انصاف کا مطالبہ

بالی ووڈ ’کوئن‘ کنگنا رناوت نے ریاست بِہار میں ایک نوجوان لڑکی کو زندہ جلائے جانے کے واقعے پر افسوس کا اظہار کرتے ہوئے اس کے اہلِ خانہ کے لیے انصاف کا مطالبہ کردیا۔ 

بھارتی میڈیا کی رپورٹ کے مطابق  ریاست بِہار میں لڑکی کو زندہ جلائے جانے کا ایک واقعہ پیش آیا تھا۔ 

جھلسنے والی لڑکی کا جسم تقریباً 75 فیصد سے زائد جل چکا تھا اور وہ زخموں کی تاب نہ لاتے ہوئے چل بسی تھی۔ 

اپنے بے باک بیانیے کے معاملے میں مشہور کنگنا نے اس معاملے میں بھی لوگوں کو آڑے ہاتھوں لیا اور خواتین کے تحفظ سمیت مرنے والی لڑکی کے اہلِ خانہ کے لیے انصاف کا مطالبہ کیا۔ 

اپنے پیغام میں کنگنا رناؤت کا کہنا تھا کہ ہماری بیٹیاں محفوظ نہیں ہیں، آئے دن ان کے خلاف مزید بڑے اور سنگین نوعیت کے واقعات پیش آتے ہیں۔

انھوں نے کہا کہ لبرلز اپنے سیکیولر لینس سے متاثرین اور مجرمان کو کو نہ دکھیں، اور نہ ہی ان میں تقسیم کریں، آئیں اور مل کر ناانصافی کے خلاف جنگ کریں۔ 

انٹرٹینمنٹ سے مزید