رسول پاکﷺ کی حرمت ہمارے ایمان کا حصہ ہے، افغان صدر اشرف غنی

افغانستان کے صدر اشرف غنی نے رسول پاکﷺ کی حرمت اور آزادی اظہار رائے کے حوالے سے منفی اور مثبت رویوں میں تفریق کی جانب عالمی برادری کی توجہ مبذول کروانے پر وزیر اعظم عمران خان کا شکریہ ادا کیا ہے۔

ان کا کہنا تھا کہ رسول پاکﷺ کی حرمت ہمارے ایمان کا حصہ ہے۔

وزیراعظم عمران خان کے دورہ کابل پر بات کرتے ہوئے انھوں نے کہا کہ وزیراعظم عمران خان کا یہ دورہ تاریخی حیثیت رکھتا ہے۔

پاکستان کی حکومت اور عوام افغانستان میں امن چاہتے ہیں، وزیراعظم

عمران خان نے کہا کہ معاشی سرگرمیوں سے سرحد کے دونوں جانب عوام کی زندگیاں تبدیل ہوں گی ۔

صدر اشرف غنی کا کہنا تھا کہ پاکستان اور افغانستان میں تعاون ترقی کے لیے ناگزیر ہے۔

انھوں نے کہا کہ افغانستان میں تشدد کے خاتمہ کے لیے جنگ بندی اور قیامِ امن کے لیے مثبت سیاسی عمل کے خواہاں ہیں۔

ان کا کہنا تھا کہ وہ جلد وزیراعظم عمران خان کی دعوت پر پاکستان آئیں گے۔