آپ آف لائن ہیں
پیر14؍ ربیع الثانی1442ھ 30؍ نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شاہنواز بھٹو زندگی بھر عوام کے جمہوری حقوق کے لیے کھڑے رہے، بلاول بھٹو

پاکستان پیپلز پارٹی کے چیئرمین بلاول بھٹو زرداری نے شہید شاہنواز بھٹو کی سالگرہ پر پیغام میں کہا ہے کہ شہید شاہنواز بھٹو کی شخصیت جمہوریت پسند فکر اور انقلابی سوچ کا امتزاج تھی۔

پی پی پی چیئرمین نے شاہنواز بھٹو کو ان کی 62 ویں سالگرہ پر شاندار الفاظ میں خراج عقیدت پیش کیا۔

انہوں نے کہا کہ وہ زندگی بھر پاکستانی عوام کے جمہوری حقوق کے لیے کھڑے رہے اور صعوبتیں برداشت کیں۔ 

بلاول بھٹو نے کہا کہ وہ ایک آمر کے آسیب نما سایوں کے ہاتھوں شہید تو ہوگئے، لیکن آمرانہ طرزِ حکومت کے خلاف ان کی جدوجہد زندہ ہے۔ پیپلز پارٹی کی قیادت و کارکنان عوام کو مکمل حقِ حاکمیت ملنے تک چین سے نہیں بیٹھیں گے۔ 


بلاول بھٹو زرداری نے اپیل کی کہ آج بھٹو خاندان کے اُس لاڈلے کے لیے دستِ دعا دراز کیے جائیں، جو جلاوطنی میں شہید ہوئے تھے۔

قومی خبریں سے مزید