آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اپوزیشن کے کامیاب جلسے حکمرانوں کے خلاف ریفرنڈم ہیں،حافظ حمداللہ

کو ئٹہ(آئی این پی )جمعیت کے مرکزی رہنما مولاناحافظ حمداللہ نے کہا ہے کہ اپوزیشن جماعتوں کے کامیاب اجتماعات میں عوام کی بھرپور شرکت حکمرانوں کے خلاف ریفرنڈم ہے مسلط حکومت کے دن گنے جاچکے ہیں انہیں کورونا کے پیچھے چھپنے نہیں دیں گے کورونا کی آڑ میں حکومت کےسیاسی عزائم کی تکمیل باعث شرم ہے ان خیالات کااظہار انہوں نے اسلام آباد میں اپنی رہائش گاہ پر جمعیت کے رہنماؤں اور کارکنوں وفود سے بات چیت کرتے ہوئے کیا انہوں نے کہا کہ قابض حکومت کورونا سے زیادہ خطرناک ہے جن کی ناقص پالیسوں کی وجہ سے لوگوں کا کاروبار تباہ ہوچکا ہے لوگ مہنگائی کے باعث غربت کا شکار ہیں پی ڈی ایم کے جلسوں سے قبل کارکنوں کی گرفتاریاں اور راستوں میں رکاوٹوں کے باوجود جلسوں میں عوام کا جم غفیر حکمرانوں کے خلاف ریفرنڈم ہے۔

کوئٹہ سے مزید