فرمان الہی
نماز کے اوقات
جمعیت علماء اسلام (ف) کے سربراہ مولانا فضل الرحمان کی رہائش گاہ نواب پور روڈ کے باہر پولیس کی مزید نفری پہنچ گئی۔
جے یو آئی (ف) کے سربراہ اور پی ڈی ایم کے صدر مولانا فضل الرحمان تقریباً ایک بجے اپنی رہائش گاہ سے جامعہ قاسم العلوم جائیں گئے۔
جامعہ قاسم العلوم سے گھنٹہ گھر چوک کے راستوں پرمزید کنٹینرز رکھ دیے گئے ہیں، مولانا فضل الرحمان مدرسہ قاسم العلوم گلگشت سے ریلی کی قیادت کریں گے۔
واضح رہے کہ پی ڈی ایم کے سربراہ اور جے یو آئی کے قائد مولانا فضل الرحمٰن نے کہا تھا کہ ملتان میں جلسہ ہر صورت ہوگا، کارکن رکاوٹیں توڑ کر جلسہ گاہ پہنچیں۔
یاد رہے کہ ملتان میں آج اپوزیشن اتحاد پی ڈی ایم کے جلسے میں شرکت کے لیے پیپلز پارٹی کے کارکن چوک گھنٹہ گھر پہنچنا شروع ہوگئے ہیں۔
انتظامیہ نے قلعہ کہنہ قاسم باغ اسٹیڈیم، گھنٹہ گھر چوک اور نشتر روڈ سے گیلانی ہاؤس جانے والا راستہ سیل کردیا ہے۔
ذرائع کے مطابق انتظامیہ کی جانب سے میٹرو بس، دکانیں اور کاروباری مراکز بھی بند کرادیے گئے ہیں، گیلانی ہاؤس آنے والا ایک راستہ سیل کردیا گیا ہے جبکہ دوسرے راستے کو بھی سیل کیا جا رہا ہے۔
