بنگلہ دیش :روہنگیا پناہ گزینوں کی سمندری خطرات سے دو چار جزیرے پر منتقلی کا فیصلہ

بنگلہ دیش نے ایک لاکھ روہنگیا پناہ گزینوں کو خلیج بنگال کے دور دارز سمندری خطرات سے دو چار جزیرے پر منتقل کرنے کا فیصلہ کرلیا، چٹاگانگ بندرگاہ سے سولہ سو سے زائد روہنگیا افراد کو جزیرے کی طرف روانہ کر دیا گیا۔

انسانی حقوق تنظیموں کا کہنا ہے کہ لوگوں کو ان کی مرضی کے خلاف بھیجا جا رہا ہے، خلیج بنگال کا جزیرہ شدید سمندری طوفانوں اور سیلابی خطرات سے دو چار رہتا ہے ۔

میانمار سے فرار دو فوجیوں کا روہنگیا مسلمانوں کی نسل کشی کا اعتراف

امریکی اخبار کا کہنا ہے کہ میانمار سے فرار ہونے والے دو فوجیوں نے دو ہزار سترہ میں میانمار فوج کی جانب سے روہنگیا مسلمانوں کی نسل کشی کا اعتراف کر لیا ہے۔

بنگلہ دیشی وزیرخارجہ عبدالمومن کاکہنا ہے کہ انسانی حقوق تنظیمیں جھوٹ بول رہی ہیں،جزیرے پر موجود سہولیات پناہ گزین کیمپوں سے بہت بہتر ہیں۔

حکام کاکہنا ہے کہ روہنگیا کیمپ گنجائش سے زیادہ بھر جانے پر منتقلی کا فیصلہ کیا ہے، منتقل ہونے والے روہنگیا کو ان کی مرضی سے منتقل کیا جا رہا ہے۔

روہنگیا معاملے پر خاموشی: آنگ سان سوچی سخاروف پرائز کمیونٹی سے معطل

روہنگیا مسلمانوں کے خلاف جرائم کی مذمت نہ کرنے پر یورپین پارلیمنٹ نے میانمار کی وزیر خارجہ آنگ سان سوکی کو انسانی حقوق کی سخاروف پرائز کمیونٹی سے معطل کردیا۔

واضح رہے کہ 2017ء میں میانمار فوج کے مظالم سے بچنے کے لیے تقریباً 10 لاکھ روہنگیا مسلمان پناہ کے لیے بنگلہ دیش آئے تھے۔