آپ آف لائن ہیں
پیر6؍رمضان المبارک 1442ھ 19؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

PDM تحریک سے حکمران بوکھلاہٹ کا شکار ہیں، نیئر بخاری

پاکستان پیپلز پارٹی کے سیکرٹری جنرل سید نیئر حسین بخاری کا کہنا ہے کہ حکومت مخالف اتحاد پی ڈی ایم کی عوامی جمہوری تحریک سےحکمران بوکھلاہٹ کا شکار ہیں۔

نیئر حسین بخاری نے اپنے ایک بیان میں کہا کہ سفارتی آئینی پارلیمانی معاشی محاذوں پرناکام ترین حکومت مسلط ہے،آئی ایم ایف ملازمین کی حکومت نےعوام کوکھربوں روپےکےقرض میں جکڑ دیا ہے۔

انہوں نے کہا کہ ایک کروڑملازمتیں دینےوالوں نے 12لاکھ سےزائد افراد کو بےروزگار کیا ہے،حکمران خاندان دن بدن خوشحال اور عوام مسلسل بے حال ہو گئے ہیں۔

نیئر بخاری کاکہنا تھا کہ دال ،روٹی ،سبزی عوام کی دسترس سے باہر کر دی گئی ہے،علاج معالجہ ،رہائش، تعلیم، روزگار مسائل کے پہاڑ بن گئے ہیں۔

انہوں نے مزید کہا کہ ملک میں سطح غربت 40 فی صد سے تجاوز کرگئی ہے اور یہ سب غریب مکاؤ حکومتی پلان کا ثبوت ہے۔

قومی خبریں سے مزید