فرمان الہی
نماز کے اوقات
قائداعظم ٹرافی میں نعمان علی نے سینٹرل پنجاب کے خلاف 7 وکٹیں لےکر اپنی 50 وکٹیں مکمل کرلیں۔
نعمان علی نے ساتھ ہی اپنی شاندار بولنگ سے اپنی ٹیم ناردرن کو حریف ٹیم پر برتری بھی دلادی ہے۔
ایونٹ کے 7ویں راؤنڈ کے دوسرے دن عامر یامین نے بھی 6 شکار کرکے بلوچستان کے خلاف سدرن پنجاب کی پوزیشن مستحکم کردی ہے۔
نیشنل اسٹیڈیم میں سدرن پنجاب کے 256 رنز کے جواب میں بلوچستان پہلی اننگز میں 164 رنز بنا کر آؤٹ ہوگئی۔
بلوچستان کے ایاز تصور نے 75 رنز کی اننگز کھیل کر ٹیم کو مکمل تباہی سے بچالیا جبکہ عامر یامین 6 وکٹوں کی بدولت سدرن پنجاب کو 92رنز کی برتری حاصل ہوگئی۔
سدرن پنجاب نے دوسری اننگز شروع کی تو اس نے 2 وکٹ پر مزید 149 رنز بنالئے اور برتری 241 رنز تک پہنچادی۔
دوسری طرف اسٹیٹ بینک گراؤنڈ پر سندھ کے خلاف خیبرپختونخوا کے کامران غلام نے ناقابل شکست سنچری اسکور کی۔
کامران غلام کے 124 اور فخر زمان کے 62 رنز کی بدولت خیبرپختونخوا نے 4 وکٹ پر 260 رنز بنالئے۔
یو بی ایل اسپورٹس گراؤنڈ پر نعمان علی کا جادو چل گیا، ان کی شاندار بولنگ نے ناردرن کو سینٹرل پنجاب کیخلاف 9 رنز کی برتری دلادی۔
سینٹرل پنجاب کی ٹیم 234 رنز پر آؤٹ ہوگئی، نعمان علی نے اننگز میں 7 وکٹیں اپنے نام کیں۔
