‏آج مینارِ پاکستان پر NRO ڈھونڈا جائے گا، فیصل جاوید خان

پاکستان تحریکِ انصاف (پی ٹی آئی) کے رہنما و سینیٹر فیصل جاوید خان کہتے ہیں کہ ‏آج مینار پاکستان پر این آر او ڈھونڈا جائے گا۔

سماجی رابطے کی ویب سائٹ ٹوئٹر پر جاری کیے گئے بیان میں سینیٹر فیصل جاوید خان نے کہا کہ گیارہ جماعتوں کا کرپٹ ٹولہ مسلسل ناکامی کا شکار ہے۔

فیصل جاوید خان نے کہا کہ یہ اپنے جلسوں سے خود بے نقاب ہو رہے ہیں۔

اُنہوں نے یہ بھی کہا کہ لوگوں کی زندگیوں اور اُبھرتی معیشت کو خطرے میں ڈال رہے ہیں۔

اپوزیشن نے کورونا وائرس کو بھی اپنا پارٹنر بنالیا ہے، عثمان بزدار

وزیر اعلیٰ پنجاب سردارعثمان بزدار کہتے ہیں کہ بد قسمتی سے اپوزیشن کی 11 جماعتوں نے کورونا وائرس کو بھی اپنا پارٹنر بنالیا ہے، اپوزیشن کورونا وائرس کو تیزی سے پھیلانے کا باعث بن رہی ہے۔

فیصل جاوید کا مزید کہنا تھا کہ یہ اپنی چوری بچانے کے لیے ساری حدیں پار کرچکے ہیں۔