آپ آف لائن ہیں
اتوار15؍ رجب المرجب 1442ھ 28؍ فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شرمیلا فاروقی نے 10 سالہ چیلنج پورا کرلیا

پاکستان پیپلز پارٹی کی رہنما اور رکن سندھ اسمبلی شرمیلا فاروقی نے اپنے شوہر ہشّام ریاض شیخ کے ساتھ 10 سالہ چیلنج پورا کرلیا۔

مختلف سرگرمیوں سے اپنے چاہنے والوں کو آگاہ رکھنے کے لیے سوشل میڈیا پر اپنی تصویریں اور ویڈیوز شیئر کرنے والی پی پی پی رہنما شرمیلا فاروقی نے اس مرتبہ فوٹو اینڈ ویڈیو شیئرنگ ایپ انسٹاگرام پر ایک فوٹو کولاج شیئر کیا ہے۔


دو تصاویر پر مبنی فوٹو کولاج میں شرمیلا فاروقی کے ہمراہ اُن کے شوہر بھی ہیں۔

مذکورہ فوٹو کولاج میں ایک تصویر دس سال پُرانی یعنی 2010 کی ہے جبکہ ایک تصویر رواں سال یعنی 2020 کی ہے۔

شرمیلا فاروقی نے اپنی اس پوسٹ کے کیپشن میں لکھا کہ ’ماضی اور حال، ہم نے بھی 10 سال والا چیلنج پورا کرلیا۔‘

اُنہوں نے مزاحیہ انداز میں لکھا کہ ’یہ ہمیں کیا ہوگیا۔‘

Ten Year چیلنج کیا ہوتا ہے؟

اس چیلنج میں ہمیں حال کی تصویر کے ساتھ دل سال پُرانی تصویر شیئر کرنی ہوتی ہے جس سے دیکھ کر اندازہ لگایا جاتا ہے کہ آپ میں دس سال کے عرصے میں ظاہری طور پر کیا تبدیلی آئی ہے۔

واضح رہے کہ شرمیلا فاروقی کی شادی 2015 میں ہوئی تھی، شادی کی تقریب میں اس وقت کے وزیراعلیٰ سندھ سید قائم علی شاہ، گورنر سندھ ڈاکٹر عشرت العباد سمیت وفاقی اور صوبائی وزراء نے شرکت کی تھی۔

شرمیلا فاروقی کے ہاں سال 2018 میں بیٹے کی پیدائش ہوئی تھی جس کا نام ’حسین‘ ہے۔

قومی خبریں سے مزید