فرمان الہی
نماز کے اوقات
وزیراعظم عمران خان نے افغان صدر اشرف غنی سے ٹیلیفونک رابطہ کیا ہے۔ دونوں رہنماؤں نے امن عمل کو جاری رکھنے اور دو طرفہ تعاون کو بڑھانے پر اتفاق کیا۔
اعلامیے کے مطابق دونوں رہنماؤں نے ٹیلیفونک گفتگو میں افغان امن عمل میں پیشرفت پر تفصیلی تبادلہ خیال کیا۔
اس موقع پر وزیراعظم عمران خان اور افغان صدر اشرف غنی نے پاک افغان تعلقات کو مزید مستحکم پر بھی بات چیت کی۔
عمران خان نے کہا کہ پاکستان افغان امن کے لیے اپنا مثبت کردار ادا کرتا رہے گا۔
وزیراعظم نے افغان تنازع کے سیاسی حل کے لیے تعاون جاری رکھنے کے عزم کا اعادہ کیا۔
ان کا کہنا تھا کہ افغان امن عمل کے لیے قطر کے دارالحکومت دوحا میں انٹرا افغان مذاکرات خوش آئند ہیں۔
عمران خان نے مزید کہا کہ افغان فریقین سیز فائر اور تشدد کی روک تھام کےلئے اقدامات اٹھائیں۔
انہوں نے کہا کہ افغان تنازع کے سیاسی حل کے لئے پاکستان نے سہولت کاری کا کردار ادا کیا، پاکستان کی تمام افغان اسٹیک ہولڈرز تک رسائی امن عمل کے لیے کاوشوں کا حصہ ہے۔
وزیراعظم نے یہ بھی کہا کہ پاکستان نے جامع اور سیاسی تصفیے کی طرف پیشرفت کو یقینی بنانےکی کوشش کی۔
ان کا کہنا تھا کہ افغان طالبان کے سیاسی کمیشن کا حالیہ دورہ پاکستان اسی تناظر میں ہے۔
اعلامیے کے مطابق دونوں ملکوں کے قائدین نے امن عمل کو جاری رکھنے اور دو طرفہ تعاون کو بڑھانے پر اتفاق کیا۔
