آج سندھ میں کورونا کے 737 نئے مریضوں کی تشخیص، 14 کا انتقال ہوا، وزیراعلیٰ

20 دسمبر ، 2020

وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا ہے کہ گزشتہ 24 گھنٹوں کے دوران 9322 نمونوں کی جانچ کی گئی جس کے نتیجے میں737 نئے کیسز سامنے آئے۔

وزیراعلیٰ نے کہا کہ گزشتہ 24 گھنٹوں کے دوران کورونا سے14 مریض انتقال کرگئے۔ اس طرح کورونا وائرس سے انتقال کرنے والوں کی مجموعی تعداد 3333 ہوگئی ہے۔

انھوں نے کہا کہ صوبے میں اب تک 2231728 نمونوں کی جانچ کی جا چکی ہے۔ جس کے نتیجے میں 204840 کیسز سامنے آ چکے ہیں۔

انھوں نے کہا کہ گزشتہ 24 گھنٹوں کے دوران مزید 950 مریض صحت ہو چکے ہیں۔ جس کے بعد اب تک 180730مریض صحت یاب ہوچکے ہیں۔ اس وقت20777 مریض زیر علاج ہیں۔ جن میں سے 19917 گھروں میں 15 آئسولیشن سینٹرز میں اور 845 مریض مختلف اسپتالوں میں زیر علاج ہیں۔

یہ بھی پڑھیے

وزیراعلیٰ نے کہا کہ 743 مریضوں کی حالت تشویشناک بتائی گئی ہے۔ 77 مریض وینٹی لیٹرز پر ہیں۔

وزیراعلیٰ نے کہا کہ 737 نئے کیسز میں سے 542 کا تعلق کراچی سے ہے۔ جن میں سے ضلع جنوبی 169، ضلع شرقی 169، کورنگی 71، ضلع وسطی 54، ملیر 46 اور ضلع غربی میں 33 نئے کیسز رپورٹ ہوئے۔

صوبے کے دیگر اضلاع میں حیدرآباد 54، جامشورو 17، سجاول 13، دادو11، شہید بے نظیر آباد 10، بدین 7، ٹھٹھہ، خیرپور، ٹنڈو محمد خان اور مٹیاری میں 6 ۔ 6، لاڑکانہ اور قمبر 5 ۔ 5، میرپور خاص، شکار پور، عمرکوٹ، سکھر اور نوشہرو فیروز 4 ۔ 4، ٹنڈو الہیار 3، جیکب آباد اور گھوٹکی 2 ۔ 2 نئے کیسز سامنے آئے ہیں۔

تازہ ترین