آپ آف لائن ہیں
اتوار15؍ رجب المرجب 1442ھ 28؍ فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلوچستان میں کورونا کی شرح میں کمی، 24 نئے مریضوں کی تشخیص

بلوچستان میں کورونا وائرس کیسز کی شرح میں کمی ہوئی ہے۔ صوبے کے سات اضلاع سے کورونا کے 24 نئے مریض سامنے آگئے، جبکہ صوبے میں کورونا میں مبتلا 36 مریض صحت یاب ہوگئے۔

محکمہ صحت بلوچستان کی جاری رپورٹ کے مطابق پیر کو صوبے میں 225 افراد کے کورونا ٹیسٹ کئے گئے ان ٹیسٹ کے نتیجے میں صوبے کے7 اضلاع سے 24 نئے کیسز سامنے آئے۔

جس کے بعد صوبے میں ابتک کورونا وائرس سے متاثر ہونے والوں کی مجموعی تعداد 17 ہزار 950 ہوگئی۔ 


رپورٹ کے مطابق 24 گھنٹوں کے دوران کورونا میں مبتلا 36 مریضوں کے صحت یاب ہونے کے بعد صوبے میں صحت یاب ہونے والوں کی تعداد 17ہزار 408 ہوگئی، جبکہ صوبے میں کورونا سے انتقال کر جانے والوں کی تعداد 179 ہے۔

محکمہ صحت کے مطابق کوئٹہ میں 24 گھنٹوں کے دوران کورونا کے 125ٹیسٹ کئے گئے۔ اس دوران کورونا کے10مریض سامنے آئے، کوئٹہ میں آج کورونا کی شر ح 8.0 فیصد رہی۔

قومی خبریں سے مزید