شیخ رشید بھائیوں کی طرح ہیں : حریم شاہ

22 دسمبر ، 2020

پاکستان کی متنازع ٹک ٹاک اسٹار حریم شاہ کا کہنا ہے کہ وفاقی وزیر داخلہ شیخ رشید اُن کے بھائیوں کی طرح ہیں، اسی لیے انہیں مشورہ ہے کہ وہ اب شادی کرلیں۔

کراچی میں ایک پریس کانفرنس کرتے ہوئے حریم شاہ نے ایک سوال کے جواب میں کہا کہ کسی کی ویڈیوز وائرل ہونا یا نہ ہونا ہر کسی کا اپنا ذاتی مسئلہ ہے۔

یہ بھی پڑھیے

پریس کانفرنس کے دوران وفاقی وزیر داخلہ کا بھی تذکرہ ہوا جس پر انہوں نے میڈیا کے سامنے شیخ رشید کو مشورہ دیا کہ اب انہیں شادی کر لینی چاہیے۔

شیخ رشید کو شادی کا مشورہ دینے پر حال قہقہوں سے گونج اٹھا اور خود بھی حریم شاہ ہنس پڑیں۔

بعد ازاں صحافیوں نے ان سے سوال کیے کہ اگر شیخ رشید انہیں شادی کی پیشکش کریں تو کیا ہوگا؟ جس پر حریم شاہ نے وضاحت کی کہ وزیر داخلہ ان کے بھائیوں کی طرح ہیں۔