آپ آف لائن ہیں
پیر16؍ رجب المرجب 1442ھ یکم مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آج بھی حکومت کہے گی پی ڈی ایم کا شو فلاپ ہوگیا، اے این پی


اپوزیشن اتحاد میں شامل جماعتوں نے پی ٹی آئی حکومت کو آڑے ہاتھوں لیا اور کہا کہ آج بھی حکومت کہے گی کہ پی ڈی ایم کا شو فلاپ ہوگیا ہے۔

عوامی نیشنل پارٹی کی جانب سے مردان میں پی ڈی ایم کے جلسے سے میاں افتخار حسین، امیر حیدر ہوتی اور مولانا اویس نورانی سمیت دیگر رہنماؤں نے خطاب کیا۔

میاں افتخار اور امیر حیدر ہوتی نے پی ٹی آئی کو ہدف تنقید بنایا اور ساتھ طنزیہ انداز میں کہا کہ حکومت آج بھی کہہ دے گی کہ پی ڈی ایم کا شوفلاپ ہوگیا ہے۔


انہوں نے کہا کہ حکومت عوامی مینڈیٹ سے اقتدار میں نہیں آئی ہے، اسے گھر جانا ہوگا۔

اس سے قبل ن لیگی نائب صدر مریم نواز اور پی ڈی ایم قائد مولانا فضل الرحمٰن نے اپوزیشن کی طرف سے کلیدی خطاب کیا۔

انہوں نے پی ٹی آئی حکومت کی کارکردگی، وزیراعظم عمران خان اور اسٹیبلشمنٹ کو ہدف تنقید بنایا اور استعفے دے کر اسمبلیوں سے نکلنے کی بات ایک بار پھر دہرائی۔

قومی خبریں سے مزید