آپ آف لائن ہیں
پیر16؍ رجب المرجب 1442ھ یکم مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نئے سال کا پہلا تحفہ، پٹرول2.31، ڈیزل1.80، مٹی کا تیل3.36 فی لٹر، ایل پی جی16 روپے کلو مہنگی، اوگرا سفارشات کے برعکس کم اضافہ

نئے سال پر پٹرول، ڈیزل، مٹی کا تیل اور LPG مہنگی


کراچی،اسلام آباد (اسٹاف رپورٹر، جنگ نیوز) وفاقی حکومت نے عوام کو نئے سال کا پہلا تحفہ دیتے ہوئے پٹرول2.31،ڈیزل1.80،مٹی کا تیل3.36، لائٹ ڈیزل3.95فی لیٹر، ایل پی جی 16 روپے مہنگی کردی جس کے بعد پٹرول کی نئی قیمت 106 روپے، ڈیزل کی 110 روپے 24 پیسے، مٹی کےتیل کی 73 روپے 65 پیسے اور لائٹ ڈیزل کی 71 روپے 81 پیسے فی لیٹر، ایل پی جی کی 148 روپے فی کلو مقرر ہوگئی، گھریلو سلنڈر 1741روپے، کمرشل سلنڈر6697روپے کا ہوگیا، وزیر اعظم آفس کی جانب سے کہا گیا ہے کہ وزیراعظم نے اوگرا سفارشات کے برعکس کم اضافہ کیا، اوگرا نے پٹرول 10.68روپے، ڈیزل 8.37 روپے، مٹی کا تیل 10.92روپے فی لیٹر مہنگا کرنے کی تجویز دی تھی۔ تفصیلات کے مطابق پاکستان تحریک انصاف (پی ٹی آئی) کی حکومت نے پٹرول کی قیمت میں2.31 روپےفی لیٹر ، ڈیزل کی قیمت میں 1.80روپے ، مٹی کے تیل کی قیمت میں 3.36 روپے، لائٹ ڈیزل کی قیمت میں 3.95روپے اضافہ کردیاہےجس کے بعد پٹرول کی نئی قیمت 106روپے ہو گئی، ڈیزل کی نئی قیمت 110 روپے 24پیسے، مٹی کےتیل کی 73روپے 65پیسے اور لائٹ ڈیزل کی71روپے 81پیسے فی لیٹر ہوگئی، وزیراعظم آفس کی جانب سے کہاگیاہےکہ اوگرا کی جانب سے پٹرول کی قیمت میں 10.68روپے، ڈیزل کی قیمت میں 8.37روپے،مٹی کےتیل کی قیمت میں 10.92 روپے، لائٹ ڈیزل کی قیمت میں 14.87 روپے فی لیٹر اضافہ تجویز کیا گیا تھا،عوام کو ریلیف کے تناظر میں وزیر اعظم نے اوگرا سفارشات کے برعکس پٹرولیم قیمتوں میں کم سے کم اضافہ کرنے کی منظوری دی۔دوسری جانب اوگرا نے جنوری 2021 کیلئے ایل پی جی کی قیمت میں اضافے کا نوٹیفیکیشن جاری کردیا جس کے مطابق ایل پی جی16روپے فی کلو،گھریلو سلنڈ188روپے اور کمرشل سلنڈرکی قیمت722روپے اضافہ کیا گیا ہے۔

اہم خبریں سے مزید