آپ آف لائن ہیں
اتوار3؍جمادی الثانی 1442ھ 17؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ولی حامد علی خان کے نکاح کی تقریب کراچی میں سادگی سے منعقد

کراچی (مانیٹرنگ ڈیسک)پاکستان کے معروف پٹیالہ گھرانے کے چشم و چراغ ولی حامد علی خان کے نکاح کی تقریب کراچی میں سادگی سے منعقد کی گئی جس میں دولہا دلہن کے قریبی افراد نے ہی شرکت کی تاہم اس حوالے سے سوشل میڈیا پر زیر گردش افواہوں میں کسی قسم کی صداقت نہیں ہے کیونکہ ان کی اہلیہ کا تعلق شوبز سے نہیں ہے۔ولی حامد علی خان نے اگرچہ سوشل میڈیا پر کوئی تصویر پوسٹ نہیں کی البتہ نکاح کی کئی تصاویر وائرل ہوچکی ہیں جس کے بعد لوگوں نے مبارکباد کا سلسلہ شروع کردیا ہے۔ان کی شادی سندس شیخ نامی لڑکی سے ہوئی ہے۔ولی حامد علی خان نے نیوز ویب سائٹ سے گفتگو کرتے ہوئے بتایا کہ یہ شادی ان کے والدین اور فیملی کی مرضی سے ہوئی ہے اور ان کی اہلیہ کا تعلق شوبز سے کوئی تعلق نہیں اور جو لوگ سوشل میڈیا پر اس بارے میں افواہیں پھیلا رہی ہیں وہ کسی طرح بھی مناسب نہیں ہے۔ انہوں نے مزید بتایا کہ ابھی صرف نکاح ہوا ہے جب کہ شادی کی دیگر تقریبات دھوم دھام سے لاہور میں ہوں گی جس میں تمام دوستوں کو مدعو کیا جائے گا۔

دل لگی سے مزید