کرینہ کپور 14سال پہلے کی طرح نظر آنا چاہتی ہیں؟

بے بو کے نام سے مشہور بھارتی اداکارہ کرینہ کپور نے سوشل میڈیا پر ایک پوسٹ جاری کی ہے جس میں اُن کا کہنا ہے کہ وہ آج سے 14سال پہلے کی طرح نظر آنا چاہتی ہیں۔

بالی ووڈ کے نواب اداکار سیف علی خان کی اہلیہ اداکارہ کرینہ کپور نے تصویر اور ویڈیو شیئرنگ ایپ انسٹاگرام پر ایک تصویر شیئر کی ہے جس میں وہ اپنے شوہر اداکار سیف علی خان کے ساتھ کھڑی ہیں۔

اداکارہ کرینہ کپور اور سیف علی خان دونوں ہی اس تصویر میں کافی مختلف دکھائی دے رہے ہیں جبکہ تصویر بھی کافی سال پرانی معلوم ہوتی ہے۔

انسٹاگرام پر شیئر کردہ تصویر کے ساتھ کیپشن میں اداکارہ نے لکھا کہ ’یہ تصویر سال 2007 میں بھارتی ریاست راجستھان کے ضلع جیسلمیر میں لی گئی تھی۔‘

اداکارہ نے مزید لکھا کہ ’اُس وقت میری کمر کتنی پتلی تھی، میں پھر سے ایسی ہونا چاہتی ہوں۔‘

کرینہ کپور دوسرے بچے کا نام کیا رکھیں گی؟

ایک انٹرویو کے دوران جب کرینہ کپور سے پوچھا گیا کہ دوست یا رشتےداروں میں سے کسی نے انکے ہونے والے بچے کے نام سے متعلق کچھ تجویز دی ہے تو کرینہ کپور نے جواب دیا کہ نام سے متعلق ابھی کچھ نہیں سوچا۔

واضح رہے کہ کرینہ کپور اور سیف علی خان کے ہاں دوسرے بچے کی پیدائش اگلے سال فروری یا مارچ میں متوقع ہے، اس سے قبل اداکارہ کا ایک بیٹا ہے جس کا نام ’تیمور علی خان‘ ہے۔