نواز شریف کی صحت ٹھیک، وہ 3 آپریشنز کے منتظر ہیں، شاہد خاقان

16 جنوری ، 2021

سابق وزیراعظم شاہد خاقان عباسی نے اپنی پارٹی مسلم لیگ (ن) کے قائد نواز شریف کی صحت ٹھیک ہونے کی تصدیق کی ہے۔

جیونیوز کے پروگرام ’جرگہ‘ میں گفتگو کرتے ہوئے شاہد خاقان عباسی نے کہا کہ نواز شریف کی صحت ٹھیک ہے، ان کے 3 آپریشنز ہونے ہیں، جس کا وہ انتظار کررہے ہیں۔

یہ بھی پڑھیے

انہوں نے کہا کہ 20 سال سے نواز شریف کے خلاف تحقیقات جاری ہیں، اب تک اُن کے خلاف کچھ بھی نہیں ملا ہے۔

سابق وزیراعظم نے مزید کہا کہ حکومت اب ایک اور نالائقی کررہی ہے، وہ سابق وزیراعظم کا پاسپورٹ کینسل کرنے جارہی ہے۔

اُن کا کہنا تھا کہ اپوزیشن اتحاد (پی ڈی ایم) پسپا نہیں ہوئی ہے، پیپلز پارٹی کی شروع سے ہی رائے رہی ہے کہ وقت آنے پر استعفے استعمال کیے جائیں گے۔

شاہد خاقان عباسی نے یہ بھی کہا کہ پی ڈی ایم استعفوں سے متعلق وقت پر فیصلہ کرے گی اور پیپلز پارٹی فیصلے کی پابند ہوگی۔

تازہ ترین