آپ آف لائن ہیں
ہفتہ14؍رجب المرجب 1442ھ 27؍فروری 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

رینو شرما کیخلاف بھارتی وزیر کا بلیک میل کر کے رقم اینٹھنے کا الزام

ممبئی (مانیٹرنگ ڈیسک)بھارتیہ جنتا پارٹی(بی جے پی) کے رہنما کرشنا ہیگڑے اور دیگر نے بھارتی گلوکارہ رینو شرما کے خلاف بلیک میل کرنے اور جال میں پھنسانے کی درخواست دے دی۔گزشتہ دنوں گلوکارہ رینو شرما نے بھارتی ریاست مہاراشٹرا کے وزیر دھننجے منڈے پرزیادتی کا الزام لگایا تھا۔ رینو شرما نے الزام لگایا تھا کہ شادی کے اصرار پر ریاستی وزیر نے انڈسٹری میں لانچ کرنے کے بہانے بنائے اور زیادتی کا نشانہ بناتے رہے۔گلوکارہ کے الزامات کے بعد پولیس نے تحقیقات شروع کردی ہیں تاہم گلوکارہ اب خود پھنس گئی ہیں۔گلوکارہ کے خلاف بی جے پی کے رہنما کرشنا ہیگڑے اور مقامی جماعت کے رہنما نے بلیک میل کرکے رقم اینٹھنے کا الزام عائد کیا ہے۔بی جے پی رہنما کی جانب ممبئی کے علاقے اندھیری ویسٹ کے پولیس تھانے میں درخواست جمع کرائی گئی ہے جس میں کہا گیا ہے کہ رینو شرما نے جال میں پھنسا کر بلیک میل کرنے اور رقم لینے کوشش کرچکی ہے۔ان الزامات گلوکارہ نے تردید کی اور اپنے خلاف سازش قرار دیا اور کہا کہ مجھے مقدمے سے پیچھے ہٹانے اور گرانے کیلئے اتنے لوگوں کو سامنے آنا پڑ رہا ہے۔دوسری جانب پولیس تحقیقات میں انکشاف ہوا ہے کہ گلوکارہ نے 2019 میں بھی ایک شہری رضوان کے خلاف اسی قسم کا مقدمہ دائر کیا تھا جس کے بعد پولیس نے بھی ریاستی وزیر کے خلاف

فوری کارروائی سے گریز کیا ہے۔ خیال رہے کہ گلوکارہ رینو شرما متعدد گانے گاچکی ہیں جس میں ’بے شرم‘ اور ’دیسی لو‘ شامل ہیں۔

دل لگی سے مزید